Новинари од Медиумскиот центар „Басилика“ при Романската Патријаршија од 10 до 13 ноември учествуваа на специјализирана обука посветена на спречување антисемитизам, расизам, ксенофобија и говор на омраза во јавниот простор.
Обуката беше организирана од Департманот за меѓуетнички односи при романската Влада, во соработка со Државниот секретаријат за верски прашања. Настанот беше наменет за новинари, уредници и водители од печатените и електронските медиуми на верските заедници и етничките малцинства во Романија.
Покрај новинарите од „Басилика“, присуствуваа и претставници на Мисионерско-културниот центар „Доксологија“ при Митрополијата на Молдавија и Буковина, Радио „Ренаштереа“ (радиото на Митрополијата на Клуж, Марамуреш и Салаж), како и медиумски работници од Римокатоличката и Адвентистичката црква.
На обуката учествуваа и претставници на Руско-Липованската заедница, Унијата на Србите во Романија и Унијата на Украинците во Романија.
Извор: basilica.ro
Романските црковни медиуми на обука за борба против антисемитизам и говор на омраза
16
