28
На одбележувањето на Романскиот Ден на Библијата, повеќе од 7.500 ученици од округот Сучеава го прочитаа целото Свето Писмо како дел од проект организиран од Окружниот инспекторат за образование и Архиепископијата на Сучеава и Радауци.
На групите читатели од Сучеава им се придружија и ученици од Букурешт, како и од општините Бакеу, Брашов, Бузеу, Галац, Марамуреш, Сату Маре и Васлуј, а исто така учествуваа и групи од Португалија и Република Молдавија.
Замислата беше целата Библија да се прочита за еден час, при што на секоја група ѝ беа доделени неколку глави според возраста на учесниците.
Вкупно 361 групи од Архиепископијата на Сучеава и Радауци успеаа да ги покрија сите книги од Стариот и Новиот Завет, а останатите 20 групи читаа извадоци од Светото Евангелие.
„Ова е мултидимензионален проект, со информативна, воспитна и преобразувачка улога. Од образовен аспект, сакаме да ги зајакнеме принципите на критичко и рефлексивно размислување преку читање на овие прекрасни и комплексни библиски текстови,” изјави професорката Даниела Чередеев, координатор на проектот и инспектор за верско образование.
Денот на Библијата во Романија се слави секоја година на 13 ноември, установен од Светиот Синод на Православната Црква на Романија во 2006 година.
Избор: basilica.ro
