Со свечено осветлување, вечерва во центарот на Скопје, на плоштадот Македонија, светна Божикното дрво, симболот на претстојниот празник Рождество Христово и на почетокот на празничниот период во главниот град.
Божикното дрво, украсено со светлосни елементи и празнична декорација, го привлече вниманието на бројни граѓани кои се собраа на плоштадот за да го проследат настанот и да ја почувствуваат празничната атмосфера.
Како и во другите европски градови, поставувањето и осветлувањето на Божикното дрво го означува влегувањето во Божикниот циклус, кој традиционално започнува во декември и трае до Богојавление.
Празничното украсување во Скопје ќе продолжи и во наредните денови со дополнителни светлосни инсталации и настани во централното градско подрачје.
