Адвокатите и лобистите на Московската патријаршија во Украина добиваат добри пари за својата работа – минатата година нивната плата изнесувала 180 илјади долари.
Ова го изјави претседателот на Државната служба на Украина за етнополитика и слобода на совеста, Виктор Јеленски, во интервју за „Громадске“, пренесува „Религиозна правда“.
Според неговите зборови, Московската патријаршија ангажира бранители и во Украина и во САД.
„Ете, седат адвокатите на Украинската православна црква (Московската патријаршија во Украина – заб. ред.) во Украина, а седат и адвокатите и лобистите на оваа црква во САД. Тие добиваат добри пари. Знаеме дека, на пример, во 2024 година и на почетокот на 2025 година тоа изнесувало 180 илјади долари“, раскажа Јеленски.
Тој нагласи дека задачата на лобистите е да зборуваат дека Украина ги нарушува принципите на верската слобода.
„Постои една прилично позната адвокатска фирма Amsterdam & Partners LLP. Со неа раководи извесен Роберт Амстердам. Сега неговата главна дејност е заштитата на пребеганиот олигарх Новински, кој истовремено е и свештенослужител на Украинската православна црква (Московската патријаршија во Украина – заб. ред.). И, како што се вели, pro bono, ‘како кусур’, тој дополнително ја брани и Украинската православна црква. Тоа го прави вака: зборува дека Украина ги нарушува сите можни и невозможни принципи на верската слобода. Затоа, наводно, Соединетите Американски Држави на никаков начин не треба да ѝ помагаат на Украина. Уште повеќе, во центарот на оваа кампања стои Јеленски, кој е ‘прогонител и задушувач’. И тој ќе одговара пред меѓународен суд“, истакна претседателот на ДЕСС.
Извор: uaorthodox.com
