За својот однос со Бога, одговорноста што ја носи неговата служба, но и за повеќе лични аспекти од својот живот, говореше Солунскиот митрополит г. Филотеј во интервју за Вангелис Дасиос, за LifeEvents и Thes.gr.
Разговорот излезе надвор од рамките на неговата институционална улога како митрополит и опфати теми како осаменоста, стравот и сомнежите, но и начинот на кој самиот го разбира своето присуство во секојдневниот живот на Солун.
Говорејќи за својот личен пат, митрополитот Филотеј се осврна на пресудната улога што верата ја има во неговиот живот.
„Односот со Бога ме промени како човек“, истакна тој.
Во еден од најличните моменти од интервјуто, Солунскиот митрополит говореше и за својот најголем страв – дека кога еден ден ќе застане пред Христа, би можел да сфати дека она што го направил во текот на својот живот „не вредело“.
Разговорот се прошири и на односот на Црквата со современото општество, а особено со младите кои чувствуваат дека Црквата не се однесува на нив.
Биле отворени и прашања за критиките што ги добива Црквата, за грешките што треба да ги признае, како и за тоа колку е подготвена денес повеќе да ги слуша луѓето.
Осврнувајќи се конкретно на одговорноста што ја чувствува кон жителите на Солун, митрополитот Филотеј нагласи дека неговата основна цел е „да се обидувам да бидам искрен во мојата служба, искрен во начинот на кој живеам“.
На прашањето што би сакал да промени во Солун, тој не посочи ништо конкретно ниту за градот ниту за неговите жители.
Неговиот одговор беше краток:
„Самиот себе“.
Во интервјуто биле поставени и прашања за тоа што значи човек да ја носи титулата и одговорноста на митрополит во еден град каков што е Солун, но и за личниот идентитет што стои зад институционалната улога.
Разговорот завршил со прашања за тоа како би изгледал неговиот живот без титулата митрополит, што би му советувал на самиот себе на 20-годишна возраст и, на крајот, што би сакал луѓето да запомнат за него кога ќе заврши неговиот животен пат.
Извор: Vima Orthodoxias
