Романскиот неврохирург д-р Јустинијан Симион изјави дека Бог е присутен во операционата сала и дека често бил сведок на моменти кои науката не може целосно да ги објасни.
Во интервју за Q Magazine, тој нагласил дека во текот на својата медицинска практика доживеал ситуации кои, според него, се резултат на божествена интервенција.
„Не можам да измерaм колку од исходот зависи од човечката сила, а колку од божествената. Но, сигурен сум дека без Бога човек не може да постигне ништо. Илузија е да се мисли поинаку,“ рекол д-р Симион.
Тој додал дека лекарите се само алатки во едно поголемо дело – лекувањето на луѓето:
„Понекогаш границата меѓу професионалната самодоверба и гордоста е тенка. Лекарите треба да останат свесни дека не сè што постигнуваме е наша заслуга. Колку повеќе се смируваме, толку подобро можеме да служиме на вистинското излекување.“
Покрај медицината, д-р Симион е и љубител на византиската црковна музика. Во 2011 година го има основано хорот „Анастасиос“ во градот Таргу Муреш, кој денес обединува лекари, архитекти, инженери и други професионалци што редовно пеат на Божествената Литургија.
„Пеењето е мојот духовен здив по напорни денови исполнети со стрес и операции. Тоа ми дава мир и сила за нова недела исполнета со предизвици,“ вели познатиот неврохирург.
Извор: OrthodoxTimes.com
