Кукуш, 8 септември 2025– Во храмот „Рождество на Пресвета Богородица“ во Евкарпија, Кукуш (Kilkis), беше отслужена свечена архиерејска литургија по повод празникот Рождество на Пресвета Богородица и почетокот на новата црковна година. Богослужбата ја предводеше митрополитот Полјански и Кукушки, г. Вартоломеј, во сослужение со свештеници и бројно присутни верници.
На литургијата присуствуваа и претставници на локалната власт, меѓу кои и антиперефектот г. Андреас Вергидис, како и црковни хорови и музички учесници што придонесоа за свечениот карактер на празникот.
Во својата празнична беседа, митрополитот Вартоломеј ја истакна длабоката духовна порака на денот, поврзувајќи ја со животот и примерот на Пресвета Богородица:
„Пресветата Богородица нè поучува на понизност – на таа доблест без која човекот не може вистински да го најде патот кон Бога. Денешниот свет е лишен од понизност, а токму таа му е најпотребна.“
Митрополитот потсети дека празникот на Рождеството на Пресвета Богородица не е само историски настан, туку и повод за духовно обновување и надеж за верните.
Извор: romfea.gr
