Претседателот на Србија, Александар Вучиќ, изјави дека претстојната воена парада во Белград, закажана на 20 септември, нема врска со дневната политика, туку е организирана по повод националниот празник „Ден на српското единство, слобода и национално знаме“. Тој нагласи дека парадата е можност да се покаже напредокот и вложувањата во Војската на Србија.
Вучиќ одговори и на критиките од опозицијата дека парадата е наводно средство за лична промоција или заплашување на народот. Тој истакна дека одлуката за парадата била донесена уште во пролетта и дека нејзината цел е да ја симболизира безбедноста, стабилноста и воената подготвеност на земјата.
Притоа предупреди дека постојат анархо-либерални и левичарски кругови кои, според него, се обидуваат да ги разурнат клучните институции на државата – Српската православна црква (СПЦ) и Војската на Србија. Вучиќ додаде дека овие групи ја критикуваат улогата на војската во минатото и се обидуваат да создадат недоверба кон нејзината сегашна позиција.
Тој исто така ја критикуваше опозицијата за нивните апели до Европската Унија да воведе санкции против Србија, нагласувајќи дека никогаш не би барал санкции за својата земја.
Извор: in4s.net
