Во емисијата „Opinion“ на новинарот Бленди Февзиу, новоизбраниот Архиепископ Јован на Албанија зборуваше со длабока благодарност и восхит за својот претходник — упокоениот Архиепископ Анастасиј, истакнувајќи дека токму тој бил негов пример, духовен водич и инспирација.
Блаженејшиот Јован се присети на нивната прва средба во Бостон во 1992 година, кога бил вчудоневиден од скромноста и духовната сила на Анастасиј. „Тој не само што ја обнови Православната Црква во Албанија по години на прогони, туку создаде вистинска духовна заедница исполнета со љубов и надеж,“ рече Архиепископот Јован.
Во интервјуто, тој ја претстави и својата визија за иднината на Црквата — да продолжи патот на мир, соработка и заедништво меѓу различните верски заедници во земјата, нагласувајќи дека единството и љубовта се темелот на секое духовно дело.
„Нашата мисија е да градиме мостови, а не ѕидови,“ додаде тој.
Извор: orthodoxtimes.com
