Во Светиот Град Ерусалим, Неговото Блаженство Патријархот Теофил III, заедно со претставници на Црквите што ја сочинуваат заедницата на Status Quo — меѓу кои беа Кустосот на Светата Земја и претставникот на Ерменската Патријаршија — го пречека потпретседателот на Соединетите Американски Држави, г. Џ. Д. Ванс, и неговата сопруга, г-ѓа Уша Ванс, во светилиштето на Црквата на Пресветиот Гроб.
Патријархот Теофил лично ги поведе потпретседателот и неговата сопруга низ светите места на храмот, при што им го објасни нивното длабоко спасоносно и историско значење за целиот христијански свет — како место каде се извршија Страдањата, Распетието и славното Воскресение на нашиот Господ и Спасител Исус Христос.
Во текот на средбата, Патријархот Теофил упати топли поздрави и почит кон претседателот Доналд Џ. Трамп, изразувајќи искрена благодарност за напорите на американската администрација, под негово раководство, во стремежот да се воспостави прекин на огнот во Газа и да се ублажат страдањата на невините.
Во своето обраќање, Неговото Блаженство потсети на зборовите на нашиот Господ:
„Блажени се миротворците, зашто тие ќе се наречат синови Божји“ (Мт. 5:9).
Извор: Патријаршија на Ерусалим
