Јордан и понатаму е потресен од терористичкиот напад врз православната црква „Свети Георгиј“ во селото Хмунд, во провинцијата Карак (Киријакупол), во кој животот го загубија девет лица, а десетици беа повредени. Христијанскиот свет остро го осуди овој чин.
Во атмосфера на длабока тага, во неделата, на 25 октомври 2026 година, напладне беше отслужено опелото во истиот храм, кој стана место на мачеништво за деветтемина трагично загинати верници од православната заедница.
Со богослужбата чиноначалствуваше Ерусалимскиот патријарх г. г. Теофил, во сослужение со архијереи и свештенослужители од Светогробното братство. Присуствуваа и Латинскиот патријарх Пјербатиста Пицабала, претставници на различни верски заедници и конфесии, како и голем број верници.
Настанот го следеа десетици странски медиуми, бидејќи овој грозоморен терористички чин предизвика светско внимание, а бројни државни лидери го осудија нападот.
По завршувањето на опелото, кралот на Хашемитското Кралство Јордан лично го изрази своето сочувство.
Потоа, кралицата на Јордан Ранија ал Абдулах, престолонаследникот Хусеин бин Абдулах ал Хашими, принцезата Салма бинт Абдулах и принцот Гази бин Мухамед, исто така, му изразија сочувство на Неговото Блаженство, патријархот Теофил III, како и на семејствата на жртвите.
„Вечен им спомен. Нека Господ ги упокои душите на жртвите, нека ги утеши сите што ги загубија своите најблиски и нека им ја дарува Својата милост на повредените, како и на сите оние што беа погодени од болката на мачеништвото и од преживеаната трагедија“, се наведува во соопштението на Ерусалимската патријаршија.
Извор: Orthodoxia New Agency
