Со сета духовна свеченост и во присуство на многубројни поклоници беше одбележан празникот Цветници во Манастир Ватопед, на Света Гора.
Со Божествената Литургија началствуваше митрополитот Лимасолски Атанасиј, во сослужение со игуменот на манастирот, старец Ефрем Ватопедски, како и братството на обителта.
По Литургијата следеше традиционалната литија со светите мошти што се чуваат во манастирот, во која учествуваа монасите и верниот народ, во атмосфера на длабока побожност.
Прославата заврши пред соборниот храм, каде што беше прочитано Евангелието за свечениот влез на Христос во Ерусалим, со што и богослужбено започнува Страсната седмица.
На празничните чествувања присуствуваа и високи личности, меѓу кои и поранешниот претседател на Парламентарното собрание на Советот на Европа, Теодорос Русопулос, како и министри од Грузија – Гела Геланџе и Иракли Циковани.
Извор: orthodoxianewsagency.gr
