Русија продолжила да напаѓа украински позиции со беспилотни летала и откако стапило во сила велигденското примирје, соопшти украински воен претставник за Associated Press.
Според Сергиј Колесниченко, офицер за комуникации во 148-та одделна артилериска бригада на Украина, примирјето „не се почитува од руската страна“.
Тој објаснил дека во секторот каде што дејствува неговата единица – на спојот меѓу регионите Доњецк, Дњипропетровск и Запорожје – артилерискиот оган навистина запрел, но руските сили продолжиле со напади користејќи дронови.
Украинските сили, како што рече, одговараат со принципот:
„тишина на тишина и оган на оган“, што значи дека возвраќаат само кога има напади.
Примирјето беше прогласено од рускиот претседател Владимир, кој најави 32-часовен прекин на огнот по повод православнен Велигден. Според најавата, руските сили требаше да ги запрат сите борбени активности од сабота во 16:00 часот до крајот на неделата.
Од украинска страна, претседателот Володимир Зеленски изјави дека Украина ќе го почитува примирјето, но само доколку и Русија го направи истото.
Тој нагласи дека Велигден треба да биде време на мир и безбедност, додавајќи дека вакво примирје може да биде чекор кон вистински мировен процес.
Сепак, развојот на настаните покажува дека довербата меѓу двете страни останува многу ниска. Украина предупреди дека ќе одговори брзо на секое прекршување, додека на терен, според украинските извори, нападите со дронови продолжуваат и покрај формалниот прекин на огнот.
Избор: apnews.com
