На недела дена пред стартот на учебната година, министерката за образование и наука Весна Јаневска соопшти дека оваа година ќе има 200 паралелки помалку во основно и 100 паралелки помалку во средно образование.
Министерката посочи дека во учебната 2026/2027 се запишани околу 14.500 првачиња. Во врска со оптимизацијата на училишната мрежа заради воведување едносменска настава, министерката соопшти дека оваа година очекува природно да бидат затворени 26 рурални училишта во кои нема упис на првачиња
Учениците ќе имаат учебници, тие се дистрибуирани и се наоѓаат во училиштата. Првпат годинава тоа го имаме завршено многу порано пред почетокот на учебната година – изјави денеска министерката за образование и наука Весна Јаневска.
Претходно, министерката потенцираше дека во претстојната учебна 2026/27 година ќе имаме најмлаку 3.000 првачиња помалку, но и тоа дека сè помалку ученици во основните и средните училишта неизбежно носат и помал број студенти. Истовремено, интересот и потребите не се еднакви кај сите студиски програми.
Во однос на студентскиот оброк, министерката соопшти дека во овој момент не се планира зголемување на износот бидејќи до МОН нема пристигнато такво барање од студентските организации.
Извор: https://24.mk/details/katastrofalen-pad-na-zapishani-prvachinja-vo-uchilishtata
