Една недела по осветувањето на иконографијата во Националната катедрала во Букурешт, повеќе од 230.000 верници се поклонија во Светиот олтар. Катедралата останува отворена ден и ноќ до среда, 5 ноември.
Во Светиот олтар се поставени моштите на Свети апостол Андреј – покровител на Романија и на самата катедрала – како и моштите на Свети Димитриј Нови. Волонтерски тимови од Архиепископијата на Букурешт им помагаат на верниците кои пристигнуваат да се поклонат, а архиепископијата обезбеди и онлајн врска преку која може во реално време да се следи времето на чекање и позицијата на редицата на поклоници. Во моментот, времето на чекање е околу пет часа.
Осветувањето на иконографијата на Националната катедрала се одржа во неделата, на 26 октомври, кога служеше Неговата Светост Вселенскиот патријарх Вартоломеј I, заедно со Неговото Блаженство Патријарх Даниел.
Патријарх Даниел ја опиша катедралата како „отворена книга на православната теологија, напишана во камен, боја и светлина, која повикува на молитва и свето заедништво“.
Катедралата, која стана централно место на духовноста и националното обединување, продолжува да привлекува илјадници верници секој ден.
Извор: Basilica.ro
