Вселенскиот патријарх Вартоломеј, во својот последен говор пред бугаро-говорната православна заедница во Цариград, истакна дека единството на Црквата е над секакви етнички или национални разлики.
„Не правиме разлика меѓу вашата заедница и другите заедници на Архиепископијата на Цариград. Вие исто така сте наши духовни чеда, како и грчките, романските, украинските, руските и грузијските православни верници што живеат овде. ‘Нема ниту Јудејци ниту Грци’; нема поделби меѓу нас, зашто сите заедно го сочинуваме едното Тело на Архиепископијата на Цариград. Ние сме привилегирани — избрани од Бога да бидеме непосредното стадо на Светата Голема Христова Црква, првите што го примаат нејзиниот животворен здив и топлина,“ порача патријархот.
Тој истакна и дека оние кои го загрозуваат единството на Црквата заради геополитички интереси или лични амбиции — „лажно маскирани во духовност — прават престап пред Бога и тежок грев.“
Главната порака на патријархот е јасна: православните заедници во Цариград се еднакви духовни чеда на Мајката Црква, а единството на Црквата е свето и не смее да се нарушува.
Извор: orthodoxtimes.com
