Вселенскиот патријарх Вартоломеј од вечерта на 14 септември престојува во Лондон, каде што пристигна во рамки на еднонеделна посета на Велика Британија.
На аеродромот „Хитроу“ го пречека архиепископот Тијатирски и Великобритански Никита, во присуство на грчкиот амбасадор Јоанис Цаусис.
Во текот на престојот, патријархот Вартоломеј ќе има средба насамо со кралот на Обединетото Кралство, Чарлс III, во замокот Балморал во Шкотска.
Денеска Вселенскиот патријарх ќе чиноначалствува на Божествената литургија во катедралниот храм „Света Софија“ во лондонскиот Бајсвотер, по повод именденот на архиепископот Никита.
Во рамки на посетата, Вартоломеј ќе биде прогласен за почесен доктор на Универзитетот во Чичестер, а ќе одржи и говор на Универзитетот во Оксфорд.
Предвидена е и посета на Патријаршискиот и ставропигијален манастир „Свети Јован Крстител“ во Есекс, каде што патријархот ќе чиноначалствува на Божествената литургија во недела, 20 септември.
Во патријаршиската придружба се митрополитите Димитриј Принкипониски, Максим Силивриски и Јоаким Ламбиски, Сивритски и Сфакиски, великиот еклисијарх Аетиј, ѓаконот Евлогиј Цацас, директорот на Патријаршиската канцеларија за печат и комуникации Николаос-Георгиос Папахристу и Панајотис Графиаделис.
За патријаршиски намесник за време на отсуството на Вартоломеј е определен митрополитот Халкидонски Емануил, кој го испратил патријархот на аеродромот во Истанбул, заедно со великиот архиѓакон Александар.
Извор: Orthodoxia News Agency
