На Света Гора во утринските часови започна традиционалното искачување на поклониците и монасите кон високиот врв на Атос, во пресрет на големиот Господов празник Преображение Господово.
Стотици верници, носејќи ги неопходните работи за повеќечасовното пешачење, ги минуваат стрмните патеки на Атос, со крајна цел историската и препознатлива црквичка „Преображение на Спасителот“, која се наоѓа на највисоката точка на полуостровот, на надморска височина од 2.033 метри.
Според светогорскиот типик, на врвот ќе биде отслужено свечено сеноќно бдение, на кое ќе началствуваат светогорски јеромонаси.
Ноќната богослужба, под светлината на свеќите и среде алпскиот пејзаж над облаците, претставува еден од препознатливите настани во монашката држава.
Божествената Литургија се очекува да заврши со изгрејсонцето.
Извор: vimaorthodoxias.gr
