Вселенскиот патријарх Вартоломеј денеска, 9 октомври 2026 година, го посети римокатоличкиот катедрален храм „Пресвета Богородица“ во францускиот град Амиен, каде што срдечно беше пречекан од месниот епископ Жерар Ле Станг.
Патријархот беше придружуван од митрополитот Халкидонски Емануил, митрополитот Француски Димитриј, епископот Синопски Амвросиј и великиот еклисијарх Аетиј, директор на Патријаршискиот кабинет.
За време на посетата, патријархот Вартоломеј се поклони пред чесната глава на Свети Јован Крстител, која се чува во посебна капела во величествениот катедрален храм.
Оваа светиња била пренесена од Студитскиот манастир во Константинопол во времето на Четвртата крстоносна војна (1204 година), а во Амиен пристигнала во 1206 година.
Епископот на Амиен му подари на Вселенскиот патријарх дел од главата на Свети Јован Крстител, кој ќе биде изложен за поклонение на верниците во Патријаршискиот храм во Константинопол.
Предвидено е патријархот Вартоломеј и неговата придружба вечерва да се вратат во Константинопол.
Извор: Romfea.gr
