По неодамнешниот напад во областа Акротири на Кипар, околу 25 семејства, меѓу кои и многу со мали деца, нашле засолниште во еден православен манастир во близина. Засолништето било организирано со благослов на митрополитот на Лимасол, а монашкото братство веднаш ги отворило манастирските врати за луѓето кои побарале помош и заштита.
Архимандритот Димитријанос објаснил дека потребата од безбедно место се појавила по разговор со локалните власти, откако жителите биле вознемирени од безбедносната состојба и од нападот во близина на британските воени бази и аеродромот во Акротири.
Поради стравот и неизвесноста, особено кај семејствата со деца, жителите најпрво биле собрани во локалните училишта, а потоа биле упатени во манастирот, каде што нашле мирно и безбедно засолниште. Во манастирот им е обезбеден простор за престој, а монасите се погрижиле за основните потреби на луѓето кои биле принудени привремено да ги напуштат своите домови.
Од манастирот посочуваат дека се подготвени да примат и повеќе луѓе доколку повторно се огласи тревога или доколку жителите повторно бидат принудени да се евакуираат.
Овој гест на гостопримство и солидарност сведочи за живата пастирска грижа на Црквата, која и во тешки и неизвесни моменти останува прибежиште и утеха за верниот народ.
Извор: orthodoxtime.com
