Бугарија воведува предмет „Добродетели и религија“ во образовниот систем, откако во Парламентот поминаа измените, во прва фаза, на законот за основно образование.
По жестока дебата, пратениците со мнозинство гласови дадоа зелено светло за неколку законски измени, меѓу кои е и внесување на верското образование во училиштата.
Вкупно 169 пратеници гласаа „за“, тројца беа „против“, а 28 „воздржани“. Новиот предмет ќе може да се изучува во три форми:
Религија – православие,
Религија – ислам,
или Добродетели.
Законот не предвидува оценување, а предметот ќе биде изборен. Како што најави министерот за образование Красимир Вълчев, ниту едно дете нема да биде принудено да учи религија.
Предметот „Добродетели“ претставува варијанта на етика и морални вредности, кои претставуваат комбинација со религиските учења и традиции. Целта е преку наставата да се поттикнат човечноста, сочувството и одговорноста кај младите.
Извор: Религија.мк
