Јован X, Патријарх на Антиохија и на целиот Исток, денес од Катедралниот храм „Успение на Пресвета Богородица“ во Дамаск говореше за смислата на Светата и Голема Четириесетница и за значењето на четирите подготвителни недели што ѝ претходат.
Неговата Светост началствуваше на соборната Света Литургија, на која сослужуваа епископи и свештеници од Патријаршија на Антиохија.
„Преку подготвителните недели што ѝ претходат на Големата Четириесетница, повикани сме да Го сретнеме Женикот – Христос, нашиот Бог“, истакна Патријархот.
Тој објасни дека преку овие недели Црквата ги насочува нашите чекори и нè повикува да ја отфрлиме гордоста на фарисејот и да ја следиме смиреноста на цариникот, да ја подражаваме милоста на Отецот од параболата за Блудниот син. Во тој контекст, посочи, се осмислува и евангелското четиво за Страшниот Суд, додека во последната подготвителна недела верните се потсетуваат на изгонувањето на прародителите од Рајот.
Патријархот Јован нагласи и дека со почетокот на Светата и Голема Четириесетница сме повикани да ги отвориме вратите на нашата душа и да Го поканиме Женикот да се всели во нив, за заедно со Него да одиме по патот кон Неговите Страдања и Воскресение.
По завршувањето на Светата Литургија, Неговата Светост оствари средба и разговор со млади луѓе кои претходно пристапиле кон Светата Евхаристија.
Извор: vimaorthodoxias.gr
