На 13 септември 2025 година во претседателската палата Долмабахче во Истанбул се одржа средба меѓу Јерусалимскиот патријарх Теофил III и претседателот на Турција, Реџеп Таип Ердоган.
Главна тема на разговорот беше зачувувањето на Status Quo во светите места во Ерусалим, како темел за мирен соживот и заштита на верското наследство. Патријархот потсети на историската важност на Пактата на Омар од 7 век, договорот меѓу патријархот Софрониј и калифот Омар, со кој биле гарантирани правата и слободите на христијанските заедници.
Двајцата соговорници разговараа и за хуманитарната состојба во регионот, со акцент на Газа и предизвиците со кои се соочуваат верските заедници и цивилното население во услови на зголемени конфликти.
Како симбол на историското наследство и заедничката одговорност, Патријархот Теофил III му подари на Ердоган реплика од Пактата на Омар, нагласувајќи дека обврската за заштита на светите места е трајна и надвремена.
Средбата се оцени како значаен придонес за зајакнување на меѓурелигискиот дијалог и за потсетување дека зачувувањето на светињите во Ерусалим е прашање од глобално значење.
Извор: Jerusalem Patriarchate – „H.B. Theophilos III and President Erdoğan Reaffirm Status Quo as Pillars of Jerusalem’s Sacred Heritage“
