Прочуениот кошаркар Владе Дивац престојуваше изминатите денови на Света Гора.
Тој го посети манастирот Хиландар, заедно со членовите на Управниот одбор и соработниците на фондацијата „Да го сочуваме Хиландар – Фондација САД“ („Preserve Hilandar Foundation USA“), која е основана од Светиот манастир Хиландар со цел да се зачува врската на српското иселеништво со манастирот и да се претстави неговото духовно и историско наследство.
Во хиландарскиот синодикон беше одржан состанок со високопреподобниот архимандрит Методиј, за време на кој гостите беа запознаени со обновата на манастирот, која е при крај, и со претстојните активности.
Особено внимание беше посветено на работата на хиландарската фондација во САД.
Извор: https://www.facebook.com/share/p/1BAowBtSWw/
