Неговата Сесветост, Вселенскиот патријарх Вартоломеј I истакна дека верниците никогаш не се сами пред Бога, туку ја имаат Пресвета Богородица како застапница, во својата беседа по повод празникот Благовештение.
На Божествената Литургија во храмот „Благовештение на Пресвета Богородица“ во Вафеохори, патријархот говореше за тајната на воплотувањето, нагласувајќи дека станува збор за „голема и натприродна мистерија“, недостижна за човечкиот ум без вера во Божјата љубов и семоќ.
Тој подвлече дека историјата на човештвото претставува доверување во Божјата промисла, поради што верниците не треба да се обесхрабруваат, дури ни во најтешките моменти. Бог, како што рече, никогаш не дозволува искушенија над силите на човекот, туку секогаш дава и излез од нив.
Посебно место во неговото обраќање имаше Пресвета Богородица, која, е „Мајка на сите“, на која верниците можат да ѝ ги доверат своите болки, стравови и надежи. Таа, со својата љубов и смелост пред својот Син, постојано им помага на луѓето и посредува за нив.
Патријархот исто така изрази благодарност до митрополитот Атинагора од Кидонија за неговата грижа за заедниците во Босфорскиот регион, како и до локалното свештенство и црковните служители за нивниот труд.
По богослужбата, беше отслужен и помен на гробот на роднините на поранешниот патријарх Јоаким III, како и за други упокоени архиереи.
Извор: orthodoxtimes.com
