Вселенскиот патријарх Вартоломеј I од Константинопол испрати силна порака за потребите од христијанско единство, поврзувајќи го приближувањето меѓу Православната и Римокатоличката црква со градење на светски мир.
Во своето обраќање во Римокатоличката црква на Светиот Дух во Цариград, по повод првата годишнина од изборот на папата Папата Лав XIV, патријархот истакнал дека односите меѓу Цариград и Рим се движат по „пат без враќање назад“.
Осврнувајќи се на неодамнешната посета на папата во Турција и на 1700-годишнината од Првиот Собор во Никеја, патријархот ја опишал Никеја не како историски спомен, туку како „духовен хоризонт и компас“ за обновување на целосното заедништво меѓу Црквите.
„Заедничкиот Символ на Верата ги повикува двете страни повторно да се пронајдат“, нагласил тој, истакнувајќи дека приближувањето кон вистината го прави сведоштвото на Црквите за мирот поверодостојно.
Во говорот, Вселенскиот патријарх ја поврзал потрагата по христијанско единство со потребата од надминување на поделбите и насилството на глобално ниво. Тој упатил апел до политичките лидери веднаш да се запре војната, додавајќи дека помирувањето е „жива мисија за животот на светот“.
Обраќањето било одржано по покана на апостолскиот нунциј во Турција, архиепископот Марек Солчунски.
На богослужбата присуствувале и митрополитите Емануил од Хаклидон, Кирил од Крини и Јоаким од Проуса, како и патријаршискиот ѓакон Фотис Фоулопулос.
Извор:orthodoxia.info.com
