о. Симеон Крајопулос (†)
Ако поверуваш во Христос, малку по малку Тој ќе почне да те привлекува. И ако си искрен и навистина веруваш во Него, постепено во тебе навлегуваат благодатта, љубовта и енергијата Христова, и откриваш нов пат, нов живот.
Сите светии Го нашле и Го возљубиле Христос на еден посебен и единствен начин. Инаку, го расфрламе животот напразно. Христос за сите е тој оган, таа божествена сила.
Ако ти, од една страна, не се оддалечуваш од Него, но од друга страна како да не си Го нашол Христос на еден единствен начин, тогаш се губиш себеси. Малку по малку треба да дојде тој час: да Го откриеш Христос на единствен начин, а не само да се вртиш околу Црквата и бездушно да ги исполнуваш работите што се однесуваат на твојата врска со Христос.
Дури и најневините работи да ги правиш, ако во нив се заборавиш како тие да се Бог, на крајот грешиш.
Ако внимаваме на својот живот, ќе видиме дека не веруваме. Ако поверуваш, веднаш се менуваш, веднаш трчаш кон Христос. Потоа е незамисливо да грешиш на начинот на кој греши денешниот човек — кој греши како ништо да не се случува.
Ако како христијани само вегетираме, ако сме млаки, тоа е затоа што не веруваме. Но ако навистина поверуваш — а таа вера во себе има љубов; сè за тебе е Бог — само тоа што така се движиш веќе те менува. А уште повеќе, во мигот кога така веруваш, благодатта Христова доаѓа во тебе, те укрепува и, ни помалку ни повеќе, те прави способен да го правиш она што го прави Христос.
Од книгата: о. Симеон Крајопулос (†), „Духовни пораки 2017“, стр. 153, и „Духовни пораки 2021“, стр. 125.
Извор: https://www.koinoniaorthodoxias.org/martiria-kai-didaxi/na-anakalypseis-ton-xristo-kata-monadiko-tropo-2/
