Светиот новомаченик архимандрит Филумен (во светот Софоклис Хасапис) роден е на Кипар, во престолнината Никозија,на 15. октомври 1913 година. Од детството ги читал житијата на светите и бил особено бил трогнат од житието на св. Јован Коливар (15/28 јануари). Во 1927 г. со својот брат Александар, стапил во манастирот Ставровуни. Во 1934 г. браќата отишле во Ерусалим каде учеле во гимназијата на Ерусалимската Патријаршија. Тука после три години се замонашиле, добивајќи ги имињата Филумен и Елпидиј.
Истата година монахот Филумен е ракоположен во ѓаконски чин. Јеромонахот Елпидиј подоцна преминал во Александриската Патријаршија и се упокоил на 29.11.1983 г. По завршувањето на богословијата во 1939 година, отец Филумен имал различна послушанија во Патријаршијата, а неколку година се подвизувал и во Лаврата на свети Сава Осветен. Во 1944 године е ракоположен во свештенички чин. До 8. мај 1979 година, кога свештеномаченикот Филумен е назначен за игуман на манастирот на Јакововиот кладенец во Самарија, тој бил настојател на разни грчки храмови и манастири во Светата Земја – во Ерусалим, Јафа, Рамала.
Малку пред убиството на отец Филумен (29.11.1979 г.), група фанатични Евреи дошла во манастирот барајќи да се тргнат иконите и крстовите. Настојателот одбил да го направи тоа, потсетувајќи дека Јакововиот кладенец со векови бил православна светиња, како што е и денес. Му одговориле со закани дека ако не си оди,да се подготви за најлошото. Извикувајќи хули, псовки и закани упатени до христијаните, си отишле.
На празникот на светиот апостол Матеј, убијците упаднале во манастирот. На отец Филумен со секира му нанеле две крстообразни рани на лицето, му ги ископале очите и му ги отсекле трите прста на десната рака. Потоа ја осквернавиле црквата и свештените садови, го турнале распетието и извршиле други богохулни дела.
Телото на свештеномаченикот на православните им било предадено по шест дена и ја задржало својата еластичност и било погребано на гробиштата на Братството на светиот Гроб на Сионската гора.На 30. ноември 1983 г., тогашниот ерусалимски патријарх Диодор,ги открил моштите на архимандрит Филумен. Остатоците на отец Фулумен биле нетрулежни и благоухани.. На 8. јануари 1985. година, моштите на свети Филумен биле положени во северниот дел од олтарот на храмот Света Троица на Сион.
Внесен е во диптихот на светителите на Еруслимската мајка-Црква на 30 април 2008 година. Денес моштите му се наоѓаат во храмот на св. Фотина Самарјанката во Сихем. Се чествува на 16/29 ноември.
