Романскиот патријарх Даниел истакнал дека божикните каланди не се обични народни песни, туку претставуваат длабока форма на теолошко сведоштво и живо пренесување на христијанската вера. Во своето обраќање, тој нагласил дека каландите ја изразуваат радоста од Воплотувањето на Синот Божји и ја повикуваат заедницата кон духовна будност, љубов и солидарност.
Патријархот посочил дека преку коледарската традиција, верата се пренесува од поколение на поколение не само преку зборови, туку и преку песна, поезија и заедничко учество. Според него, каландите се „народна катихеза“, преку која богословската порака на Рождеството станува разбирлива и блиска до сите – и до децата, и до возрасните.
Тој исто така истакна дека коледарите не се само изведувачи, туку сведоци на радосната вест за Христовото раѓање, кои со своето присуство ја внесуваат светлината на Божик во домовите, болниците, училиштата и јавните простори.
Романскиот патријарх повикал оваа духовна традиција да се негува и во современото општество, нагласувајќи дека каландите имаат сила да ја обединат заедницата, да ја зацврстат христијанската идентичност и да потсетат дека Божик не е само културен или фолклорен настан, туку пред сè духовна реалност.
Извор: basilica.ro
