Во понеделник, на 3 ноември, ќе започне прикажувањето на серијата „Свети Пајсиј – Од Фараса до Небото“ во Грузија. Веста ја соопшти новинарката Марија Јахнаки во живата емисија „Актуелности“ на интернет радиото на Пемптусија.
Грузинците со голема желба ја очекуваат премиерата на серијата за Свети Пајсиј. Се спроведоа сите потребни постапки за грузискиот народ да може да ја гледа серијата за овој голем современ светец.
Серијата ќе се прикажува на едно од најголемите грузиски телевизиски канали – TV Imedi. Екипата на телевизијата во овие денови престојува во Грција, каде што се сретна со главниот актер на серијата Прокопи Агатоклеус, како и со други учесници во проектот, за да направи интервјуа. Тие интервјуа публиката во Грузија ќе може да ги погледне во недела навечер, на 2 ноември, еден ден пред премиерата на серијата во земјата, изјави Марија Јахнаки.
За време на емисијата во средата, 29 октомври 2025 година, беше објавена и уште една вест. Следната серија, во продукција на Институтот „Свети Максим Гркот“, која неодамна беше најавена и ќе го прикажува животот на преподобниот Јосиф Исихаст, веќе е во подготовка и снимките се започнати.
Екипата веќе се наоѓа на Света Гора (Атон) за потребите на снимањето. За неколку месеци телевизиската публика ќе може, преку оваа серија, да се запознае со животот на овој современ светец.
Извор: orthodoxianewsagency.gr
