На 14 октомври, Еерусалимската Патријаршија издаде соопштение за неодамнешниот прекин на огнот во Газа и ослободувањето на заробените, изразувајќи внимателна надеж, но истовремено потсетувајќи дека страдањата на Палестинците продолжуваат. Според свештениците, стотици илјади луѓе ги изгубиле своите домови, здравјето, семејствата и средствата за живот, а потребите за итна помош остануваат огромни.
Патријаршијата ги повика меѓународните заедници и верниците да обезбедат храна, чиста вода, медицински материјали и привремени засолништа, нагласувајќи дека овие напори се само првата фаза во обновувањето на уништените домови, бизниси и инфраструктура. Свештениците исто така ја повторија својата заложба за крај на окупацијата на Газа и Западниот Брег и воспоставување на палестинска држава која ќе живее во мир со Израел, како предуслов за траен и праведен мир во Светата Земја.
Особено беа изразени зборови на восхит кон христијаните кои се засолниле во Православната црква Свети Порфириј, Католичката црква Свето Семејство и Англиканската болница Ал-Ахли, кои, како што се наведува, „претставуваат светол пример на вера и упорност“ во екстремни услови и неизмерни тешкотии.
Соопштението завршува со повик за глобална солидарност: „Работата на градење мир едвај започна. Нека Бог ни даде благодат да се посветиме повторно на ова витално дело,“ истакнаа свештениците, повикувајќи христијаните ширум светот да продолжат со напорите за мир и помош на страдалниците.
Извор: Orthodox Observer / Британи Њуман
