Министерството за надворешни работи на Израел објави соопштение на социјалните мрежи упатено до Грчката православна Патријаршија на Ерусалим, по ракетниот инцидент над Стариот град.
Според објавата, иранска ракета експлодирала во воздух над историското подрачје, при што делови од неа паднале во близина на некои од најсветите верски места во светот.
„Фрагменти паднаа во комплексот на храмот на Светиот Гроб и во близина на џамијата Ал-Акса на Храмовиот рид. Иранскиот режим ги таргетира светите места на христијанството, исламот и јудаизмот. За овој режим ништо не е свето“, се наведува во соопштението.
Фрагмент од ракета паднал во близина на Пресветиот Гроб
Инцидентот се случил во понеделник попладне, на 16 март 2026 година, кога голем фрагмент од пресретната ракета паднал во непосредна близина на храмот на Пресветиот Гроб во Ерусалим.
Според извештај на грчката телевизија ЕРТ, остатоците – за кои се смета дека се дел од навигациските стабилизатори на ракетата – паднале во близина на храмот, предизвикувајќи сериозна загриженост за безбедноста на верските објекти во овој чувствителен регион.
Извор: vimaorthodoxias.gr
