Христијанските заедници во Либан се соочуваат со растечка несигурност поради ескалацијата на конфликтот меѓу Израел и Хезболах, додека сè погласно се противат на вклучувањето на земјата во војната.
Иако дел од христијанските региони не се директно погодени од напади, стравот, политичката нестабилност и економската криза силно се чувствуваат. Во јужен Либан, неколку христијански населби беа изложени на притисок, а има и жртви, меѓу кои и свештеник.
Во исто време, војната го забрзува иселувањето. Според проценките, над 240.000 Либанци ја напуштиле земјата од 2024 година, значителен дел од нив христијани, што дополнително ја менува демографската слика.
Ерменската заедница засега останува релативно стабилна, но постои загриженост поради можни безбедносни ризици и присуство на вооружени групи во цивилни области.
Мнозинството христијани, според сведоштвата од терен, се против војната и ја обвинуваат улогата на Хезболах за вовлекување на Либан во конфликт што не го избрал.
И покрај кризата, забележани се и примери на солидарност – цркви и манастири низ земјата примаат раселени семејства и обезбедуваат помош.
Аналитичарите оценуваат дека главниот проблем останува слабата држава, која нема капацитет да го контролира вооружениот фактор и да гарантира стабилност.
Како што конфликтот продолжува, христијанските заедници се соочуваат со сè поголема дилема: да останат во земја со неизвесна иднина или да заминат во потрага по сигурност.
Извор: themedialine.org
