Руската православна црква покрена теолошки програми во градовите Екатеринбург и Ростов-на-Дон со цел да обучи свештеници кои ќе служат заедно со војската.
Магистерска програма наречена „Обука и интеракција на воени свештеници со вооружените сили“ беше објавена во четвртокот на веб-страницата на Екатеринбуршката богословија. Не е наведено кога ќе започне уписот или кои курсеви ќе бидат понудени.
Раководителот на образованието на Црквата изјави за државните медиуми дека првата таква програма веќе се изведува во Донската богословија во Ростов-на-Дон, во близина на украинската граница.
Патријархот на Руската православна црква, Кирил, ја одобри создавањето на програмата во Екатеринбург за време на синодалната седница во четвртокот во Даниловиот манастир во Москва.
Од почетокот на целосната инвазија на Украина во 2022 година, Руската православна црква јавно ја поддржува војната. Според официјални лица на Црквата, свештениците досега крстиле 42.000 војници на фронтот, изградиле 140 полски цркви и испратиле 2.000 свештеници на боиштето во изминатите три години.
Екатеринбуршката епархија моментално има повеќе од 170 свештеници кои служат во 239 руски воени и полициски единици.
Извор: The Moscow Times
