Србија денес доживува историски миг, откако Светиот Појас на Пресвета Богородица пристигна на аеродромот во Белград, во пресрет на празникот Вознесение Господово и славата на градот. Со ова започнува десетдневен период на духовен благослов за верниот народ во земјата.
Светиот Појас, кој беше донесен од страна на игуменот на Света Велика Манастирска Обител Ватопед, старец Ефрем, беше свечено пречекан на аеродромот „Никола Тесла“ во Белград. На пречекот присуствуваа Патријарх Порфириј и Александар Вучиќ, како и архиереи, свештенство и верници.
По пристигнувањето беше отслужена молитва по повод доаѓањето на светата реликвија, додека ученици од Богословијата „Свети Сава“ во Белград и млади облечени во српски народни носии ја пречекаа со духовни песни.
Во своето обраќање, патријархот Порфириј истакна:
„Денес навистина сме благословени, бидејќи со љубовта на Света Гора и манастирот Ватопед, кај нас пристигна Светиот Појас на Пресвета Богородица… Тој носи исцелителна и благословена сила.“
Старец Ефрем нагласи дека доаѓа во Србија со голема трогнатост и потсети на духовните врски меѓу манастирот Ватопед и српскиот народ преку Свети Сава. Тој рече дека „трајното чудо на Светиот Појас е што оние кои го целиваат, им се преобразува срцето и ја чувствуваат благодатта на Светиот Дух“.
По свечениот пречек, Светиот Појас беше пренесен во храмот на Вознесението во Белград, каде што продолжуваат богослужбените свечености.
Извор: orthodoxianewsagency.gr
