Денеска, во присуство на голем број верници и гости, свечено беше осветен новиот православен храм „Свети Константин и Елена“ во Скопје. Чинот на осветувањето го изврши Архиепископот Охридски и Македонски г.г. Стефан, во сослужение со повеќе архиереи на Македонската православна црква – Охридска архиепископија.
Храмот, кој веќе е препознаен како едно од највеличествените дела на современата македонска црковна архитектура, претставува духовен симбол и продолжение на изгубеното, но незаборавено светилиште. Со својата монументална градба и уметнички детали, тој е израз на надеж, љубов и духовна обнова.
Верниците со радост ја дочекаа оваа свеченост, при што новиот храм беше претставен како безвременско духовно дело кое ќе остане трајно сведоштво за верата и традицијата.
Со осветувањето на „Св. Константин и Елена“, Скопје добива нов духовен центар кој ќе биде место на молитва, собир и духовна утеха за сегашните и идните генерации.
Извор: https://mia.mk/
