Вселенската Патријаршија објави официјално соопштение за првата мирољубива официјална посета на Неговото Блаженство Патријарх Даниил на Бугарија на Фанар.
Во соопштението се наведува дека „со особено задоволство“ се најавува доаѓањето на Патријархот на Софија и цела Бугарија во Константинопол на Божик, во четврток, 25 декември, „за остварување на неговата официјална мирољубива посета“ на Вселенската Патријаршија.
Истото попладне, „околу 17:00 часот“, Патријархот на Бугарија ќе началствува со благодарствена доксологија во Патријаршискиот храм, по што ќе биде „официјално примен во Престолната сала“ од Неговата Сесветост Вселенскиот Патријарх Вартоломеј, заедно со јерархијата на Престолот.
Следниот ден, во петок, 26 декември, на празникот Собор на Пресвета Богородица, Вселенскиот Патријарх ќе началствува со свечената Божествена Литургија, „сослужувајќи со Неговото Блаженство, Патријархот на Бугарија“, со учество на архијереи од двете Цркви.
По отпустот на Божествената Литургија ќе следи „размена на официјални обраќања меѓу двата Примати“, со што ќе се запечати свечениот и мирољубив карактер на посетата.
Извор: orthodoxtimes.com
