Едно од најголемите духовни богатства на Света Гора – чудотворната икона на Пресвета Богородица „Достојно ест“, ќе биде донесена во Месолонги, каде верниците ќе имаат можност да се поклонат.
Свештената митрополија на Етолија и Акарнанија се подготвува за свечен пречек на оваа света и почитувана икона, која се чува во протатонскиот храм на Света Гора во градот Кареја. Иконата ќе ја придружува делегација на Светата Заедница, предводена од протепистатот старец Авраам Лавриот, заедно со претставници на дваесетте светогорски манастири.
Свечениот пречек ќе се одржи на 30 април 2026 година во 18:00 часот.
Иконата ќе биде изложена за поклонение во митрополитскиот храм „Свети Спиридон“, каде ќе остане до утрото на 9 мај. Храмот ќе биде отворен непрекинато, 24 часа дневно, а секојдневно ќе се служат богослужби, бденија, Божествени литургии и параклиси.
За да се обезбеди ред и непречено одвивање на поклонението, утврдени се следниве правила:
-пристапот на верниците ќе се врши исклучиво од одредена улица,
-влезот во храмот ќе биде преку јужната врата, а излезот преку северната, со цел да се избегне метеж,
-централниот влез ќе биде наменет само за учество во богослужбите, без можност за поклонение на иконата,
-за посетителите ќе биде обезбеден посебен простор за паркирање во близина на пристаништето.
Се очекува овој значаен духовен настан да привлече голем број верници од цела Грција и пошироко, кои ќе дојдат да се поклонат пред една од најпочитуваните икони на православниот свет.
Извор: vimaorthodoxias.gr
