Во дел од американскиот конзервативен политички простор, со години се шири претставата дека Демократската партија е против христијанството, дека ја оттурнува верата од јавниот живот и дека ја менува христијанската основа на Америка.
Победата на Џејмс Таларико во Тексас, сепак, отвора поинаква слика.
Таларико не е политичар кој ја крие својата вера. Напротив, тој јавно зборува дека е христијанин. Тој е презвитеријански студент по теологија, кој сака во иднина да стане пастор. Неговата политичка порака ја темели врз Христовите заповеди: љубовта кон Бога и љубовта кон ближниот.
Токму со таква порака, поранешниот наставник го победи републиканецот Кен Пакстон во трката за Сенатот, носејќи им на демократите прва сенатска победа во Тексас од 1988 година.

Не е спорот дали Америка ќе биде христијанска, туку какво христијанство ќе сведочи
Таларико се спротивставува на христијанскиот национализам — идејата дека државната власт треба да наметнува една верска и политичка визија врз сите граѓани. Но, тоа не значи отфрлање на Христос или на верата.
Неговата позиција е поинаква: верата треба да се гледа преку грижата за сиромашниот, семејството, болниот, работникот и секој човек што се наоѓа на маргините. Тој ја користи евангелската заповед „љуби го својот ближен“ како основа за своето политичко дејствување.
Неговата победа покажува дека е неточно секој демократ автоматски да се претставува како непријател на христијанството — исто како што не е исправно секој републиканец автоматски да се смета за вистински бранител на христијанската вера.
Христијанството не се докажува со партиска припадност, туку со тоа дали човекот навистина живее според Христовите зборови: со вистина, милост, правда и љубов кон ближниот.