Рускиот теолог и поранешен ѓакон Андреј Кураев објави критички коментар на својот блог по повод честитката упатена до Патријархот Московски и на цела Русија Кирил, кој годинава го одбележува златниот јубилеј – 50 години архиерејска служба.
Во објавата со наслов „Нашиот папизам“, Кураев се осврнува на честитката што му ја упатил митрополитот Чувашки Савватиј. Во неа, митрополитот му се обраќа на патријархот со свечени титули и молитвени желби по повод јубилејот.
Во честитката, меѓу другото, се наведува:
„Во овој ден полнотата на Руската Православна Црква и на целата Московска Патријаршија вознесува усрдни молитви за својот Голем Господин и Отец — за својот Патријарх, кој ја одбележува 50-годишнината од архипастирската служба.“
Митрополитот Савватиј во пораката го нарекува патријархот Кирил „Отец на отците, Пастир на пастирите и Архиереј на архиереите — Предстојател на Руската Црква со сета нејзина полнота“.
Во честитката се цитира и свети Кипријан Картагински, според кого:
„Црквата е во епископот, и епископот е во Црквата, и кој не е со епископот — тој е надвор од Црквата.“
На крајот од пораката, митрополитот Савватиј упатува молитвени желби до патријархот:
„Молитвено Ви посакуваме, Ваше Светејшество, крепко здравје, бодрост на духот и радост во срцето за продолжување на вашето служење.“
Саркастичен коментар на Кураев
По објавувањето на оваа честитка, Кураев упати остар и саркастичен коментар кон митрополитот Савватиј, критикувајќи го тонот на пораката и поставувајќи прашање за разликата меѓу Православната црква на Русија и Московската Патријаршија.
Во својата објава тој напиша:
„Кога Савватиј ќе го извади својот јазик од задникот на јубиларот, би сакал да го прашам – дали прави разлика помеѓу Православната црква на Русија и Московската Патријаршија.“
Кураев со оваа реакција ја критикува, според него, претераната реторика во честитката и отвора прашање за односот меѓу институционалната структура на Московската Патријаршија и поширокото разбирање на Руската Православна Црква.
Напомена: Во оригиналната објава стои законската формулација дека авторот Андреј Кураев во Русија е означен како „иностран агент“, што според руското законодавство мора да биде наведено во неговите јавни објави.
Извор: https://diak-kuraev1.livejournal.com
