Патријархот на Александрија, Теодор II, започнува со реализација на проект за изградба на современа болничка установа во близина на манастирот „Свети Сава“ во Александрија, откако доби непосредна лиценцa од египетското Министерство за здравство.
Конечниот договор беше постигнат за време на средбата меѓу патријархот и министерот за здравство на Египет, Халед Абдел Гафар, која се одржа во новата административна престолнина на земјата.
Проектот ќе се реализира на земјиште во сопственост на Патријаршијата, со цел значително унапредување на здравствените услуги во регионот.
Министерот истакна дека инвестицијата е од особено значење за област која опфаќа околу 5,6 милиони жители и даде насоки до надлежните служби за забрзување на административните процедури.
Во исто време, технички тимови од министерството добија задача да извршат увид на терен, во координација со Патријаршијата и локалните власти на Александрија.
На состанокот присуствуваа и патријаршискиот комесар на Александрија, епископот на Мареотис, Дамаскин, како и советници од египетската страна.
На крајот од средбата, патријархот Теодор II му се заблагодари на министерот за поддршката од државата, нагласувајќи дека новата болничка установа ќе биде израз на постојаната мисија на Црквата – да служи на секој човек, без разлика на неговото потекло или вероисповед.
Извор: https://orthodoxia.info
