Во средата, на 27 ноември 2025 година, Папата и Патријарх на Александрија и цела Африка, Теодор II, отпатува за Цариград на покана на Вселенскиот Патријарх Вартоломеј. Патријархот е повикан да учествува на свеченостите по повод 1700-годишнината од Првиот Вселенски Собор во Никеја.
Пред патувањето кон Никеја, Патријархот присуствуваше на големо мировно собрание организирано од заедницата Сант’Еџидио во Рим. Завршната церемонија се одржа во Колосеумот – местото каде што во древноста биле мачени илјадници христијани. Како главен говорник, Патријарх Теодор говореше за значењето на мирот во светот, повикувајќи: „Сите заедно, како едно семејство, мораме да го заштитиме животот и да престанеме да фрламе зборови како бомби, кои имаат сила да уништат векови на соживот и меѓусебно разбирање.“ Тој ја нагласи неопходноста од мирен соживот меѓу христијаните, како и потребата од нови патишта на дијалог со доверба во Бога. Потсети дека „денешницата“ е христијаните секогаш да бидат подготвени за Царството Небесно.
Во своето обраќање рече: „Браќа мои, денес стоиме на критичен праг. Ова е време за дела, не за зборови; за акција, а не за празни и лицемерни изрази на добра волја. Секој од нас треба да се соочи со сопствената одговорност пред Бога, пред историјата и пред ‘најмалите браќа Христови’. Мирниот соживот е нашиот единствен избор и темелен услов за да се открие скриениот потенцијал на христијаните, така што заедно можеме да изградиме подобро утре – за доброто на човештвото и за слава на Господа.“
За време на престојот во Рим, Патријархот оствари приватна средба со Папата Лав XIV во Ватикан. Двајцата архиереи разговараа за различни прашања од животот на нивните историски Цркви и за претстојното соборно собрание во Никеја. Тие ја истакнаа важноста на нивното присуство и значајната порака што треба да ја испратат на светот кој копнее по радост, мир, надеж, љубов, труд, вера, разбирање и почит.
Со нетрпение се очекува големото и историско собрание во Никеја, свикано по иницијатива на Вселенскиот Патријарх, и пораката што ќе биде упатена до верниот народ Господов.
Извор: orthodoxtimes.com
