Истанбул, 25 декември 2025 (БТА) – Бугарскиот патријарх и софиски митрополит Даниил му го врачи орденот „Св. Јован Рилски“ од I степен на Вселенскиот патријарх Вартоломеј. Одликувањето му беше доделено како израз на признание и за заслуги кон Православната црква на Бугарија.
Орденот беше врачeн по официјалниот пречек на патријархот Даниил од страна на Вселенскиот патријарх Вартоломеј и членовите на Светиот синод на Вселенската патријаршија, во Престолната сала на патријаршијата.
Ова е првата мирна посета на патријархот Даниил на Вселенската патријаршија во истанбулската населба Фанар, реализирана по покана на Вселенскиот патријарх Вартоломеј.
Претходно во текот на денот, бугарскиот патријарх и софиски митрополит Даниил отслужи благодарствен молебен во патријаршискиот храм Св. Георги Победоносец. Патријархот Даниил и придружната црковна делегација беа пречекани на влезот на Вселенската патријаршија од Неговото Високопреосвештенство, халкидонскиот митрополит Емануил, како и од митрополити и клирици – членови на патријаршискиот двор.
Извор: bta.bg
