Предстојателот на Украинската Православна Црква на празничната литургија во Киевско-Печерската Лавра ја нагласи љубовта како суштина на христијанскиот живот
Киев, 7 септември 2025 година — Неговата Блаженост Митрополит Онуфриј, Предстојател на Украинската Православна Црква, на празничната Божествена Литургија во црквата „Агапит“ во Киевско-Печерската Лавра упати порака дека најважниот духовен плод кој човекот мора да го носи е љубовта.
„Човекот секогаш треба да носи плодови на љубовта, бидејќи љубовта е суштината на човековиот живот. Господ Самиот е љубов. А љубовта е живот. Ако нема љубов, нема живот,“ рече Митрополитот Онуприј.
Тој објасни дека Царството Божјо е Црквата, заштитена од божествениот закон како ѕид, каде човекот се очистува од гревот преку покајание, пост и молитва.
Во својата проповед Митрополитот потсети на страдањата на Божјите пратеници во Стариот Завет и на Единородниот Син Божји, распнат од луѓето, поради што Господ го предал Своето Царство на сите народи преку Новиот Завет и Црквата.
Според зборовите на Апостол Павле, духовните плодови кои христијанинот треба да ги носи се љубов, мир, радост, трпеливост, добрина, милост, вера, кротост и воздржување. Но, љубовта е темелот и круната на сите овие добродетели.
„Љубовта не е само емоција, туку постојан духовен статус на душата. Таа е духовна, насочена кон Бог и ближниот – жртвена љубов, а не само световна приврзаност,“ истакна Митрополитот Онуприј.
На крајот, тој ги повика верниците да останат „во прегратката на света Црква Христова“ и да носат добри плодови, за да бидат „сметани за деца на вечната Небесна Црква“.
Извор: spzh.eu
