Володимир Зеленски оствари нова посета на Фанар, седиштето на Вселенскиот патријарх, каде што беше примен на средба зад затворени врати.
Средбата, која траела околу еден и пол час, била посветена на актуелната состојба во Украина, како и на напорите за воспоставување праведен и траен мир. Патријархот Вартоломеј ја изразил поддршката на Вселенската патријаршија за мирно решавање на конфликтите, нагласувајќи ја и длабоката загриженост за илјадниците киднапирани украински деца, со надеж дека тие наскоро ќе се вратат кај своите семејства.
Во изјавите по средбата, патријархот истакнал дека Црквата постојано се моли за мир и стои покрај сите што страдаат – не само во Украина, туку и на Блискиот Исток и во други делови од светот.
Од своја страна, Зеленски нагласил дека Украина останува цврсто посветена на постигнување праведен мир, при што секој чекор е насочен кон заштита на народот и обновување на суверенитетот. Тој додал дека единството на меѓународната заедница е клучно за надминување на агресијата.
Во рамки на посетата, украинскиот претседател остварил и разговори со турскиот претседател Теџеп Таип Ердоган, при што било разговарано за можноста за нови мировни преговори во Истанбул.
По средбата, патријархот Вартоломеј го испратил Зеленски од седиштето на Патријаршијата, повторувајќи ја пораката дека мирот останува највисок приоритет.
Извор: orthodoxtimes.com
