Продажбата на Библии во САД во 2025 година достигнала околу 19 милиони примероци, што е 21-годишен максимум, според податоци на Circana BookScan, пренесени од Publishers Weekly. Истиот извор наведува дека тоа е 12 отсто повеќе отколку во 2024 година, кога продажбата била околу 17 милиони примероци.
Во исто време, American Bible Society во својот извештај State of the Bible 2025 соопшти дека уделот на Американци што се сметаат за „Bible users“ пораснал од 38% на 41%, што е највисоко ниво од 2021 година. Според истиот извештај, кај Gen Z ангажираноста со Светото Писмо пораснала од 11% во 2024 на 15% во 2025.
Забележлив е и порастот кај мажите. Повеќе извори што се повикуваат на извештајот на American Bible Society наведуваат дека употребата на Библијата кај мажите пораснала од 34% на 41%, со што значително се намалува разликата меѓу мажите и жените во однос на читањето на Писмото.
Овие податоци укажуваат дека во САД има видливо обновен интерес за Библијата, и преку продажбата и преку личната употреба, особено меѓу помладите генерации и кај машката популација.
https://www.americanbible.org/news/press-releases/articles/sotb-2025-release/
