Вселенската патријаршија недвосмислено го осуди неприфатливиот и светогрд ракетен напад на Руската Федерација врз историската Киево-печерска лавра, изразувајќи длабока тага поради случувањата.
Мајката Црква нагласува дека ваквите дејствија не се насочени само против светите места, туку и против заедничкото духовно и културно наследство на христијанството, кое мора да биде почитувано и заштитено од сите страни.
Во соопштението на Вселенската патријаршија се наведува:
„Вселенската патријаршија со длабока тага и разочарување ја прими веста за неприфатливиот и светогрд ракетен напад на Руската Федерација врз историската Киево-печерска лавра. Таа го осудува овој напад, како што би го осудила и секој сличен напад врз светите и значајни споменици на заедничкото религиозно и културно наследство на христијанството.
Ниту еден разумен човек, ниту каков било аргумент, не може да го оправда овој варварски и разорен напад врз едно толку свето место за поклонение, каква што е прочуената Киевска лавра, која има долга историја и традиција и е споменик на светското наследство на УНЕСКО.“
Неговата Сесветост, Вселенскиот патријарх Вартоломеј, телефонски разговарал со Неговото Блаженство, митрополитот Киевски и на цела Украина Епифаниј.
Во разговорот тој ја изразил својата згрозеност од рускиот напад, како и целосната поддршка на Мајката Црква и неговата лична поддршка за многустрадалниот украински народ.
Вселенскиот патријарх изразил и сочувство до семејствата на загинатите, како и до повредените во нападот.
Извор: orthodoxtimes.com
