Во ноември 2004 година, во семинаријата „Свети Владимир“ во Крествуд, Њујорк, Џим Форест, секретар на Православното мировно здружение, одржа предавање во кое го претстави православното разбирање за мирот и миротворството.
„Вие сте солта на земјата“
Форест се повикува на зборовите Христови од Евангелието според Матеј: „Вие сте солта на земјата.“ Миротворството, вели тој, е повик што често е тежок и непријатен, бидејќи бара да се застане спроти омразата и насилството, и тогаш кога светот ќе нè обвини за наивност или неодговорност.
Во православната Литургија, Црквата се моли „за мир на целиот свет и за обединувањето на сите“. Според Форест, оваа молитва не е само молба упатена кон Бога, туку и обврска за секој христијанин активно да учествува во воспоставувње на мир.
Форест наведува седум начини на кои православните христијани можат да сведочат за мирот:
-Љубов кон непријателите.
-Правење на добро и на оние што не мразат.
-„Свртување на другиот образ“ – сведоштво на доверба во силата на мирот.
-Проштевање, како лична и заедничка доблест.
-Уривање на ѕидовите на непријателството и поделбите.
-Ненасилен отпор на злото.
Препознавање на Христос во секој човек, особено во најслабите и најранливите.
Во заклучокот, Форест нагласува дека православниот идентитет не се темели на национална припадност. Христијанинот не е пред сè Американец, Русин или некој друг, туку член на едното тело Христово, со одговорност за целиот свет.
Извор: https://incommunion.org
