Даниил Патријарх Романски нагласи дека Христос ги повикува луѓето постојано да прават добро, да покажуваат милосрдна љубов и да им помагаат на оние кои страдаат, боледуваат или живеат во осаменост.
Во своето обраќање на Неделата на Раслабениот, на 3 мај, од Патријаршискиот параклис „Свети Георгиј“ во Букурешт, тој ја протолкува евангелската приказна за исцелувањето на раслабениот кај Витезда, истакнувајќи ја длабоката и вечна порака за љубовта кон ближниот.
„Секојпат кога покажуваме милост и добрина кон оние на кои им е потребна нашата помош, го прославуваме милостивиот Бог“, истакна патријархот, додавајќи дека смислата на ова чудо останува жива и актуелна и денес.
Поглаварот на Православната црква на Романија подвлече дека токму милосрдната и смирена љубов кон луѓето во тешкотии е знак дека Божјата љубов делува преку човекот – преку оние кои се подготвени да помогнат.
Извор: basilica.ro
