Православната и Католичката Црква во Газа – остануваат со народот и по цена на животот.

Православната црква на Грција и Латинската патријаршија во Ерусалим издадоа заедничко соопштение дека нивните свештеници, монаси и монахињи нема да ја напуштат Газа, и покрај израелските планови да преземат целосна контрола врз регионот.

Во црковните комплекси „Св. Порфириј“ (православен) и „Свето Семејство“ (католички) последните месеци се засолниле стотици цивили – меѓу нив деца, жени, стари и лица со попречености. Мнозина се веќе ослабени и неухранети од долгата војна.

„Напуштањето на градот и обидот за бегство кон југ би било ништо помалку од смртна пресуда,“ велат патријаршиите.

Тие нагласуваат дека нивната духовна и човечка должност е да останат и да се грижат за најранливите, дури и по цена на животот.

Извор: eKathimerini